Ermənistan tərəfinin təklifi ilə Rusiyanın erməni məhsullarına tətbiq etdiyi məhdudiyyətlərlə bağlı şikayətin Avrasiya İqtisadi Komissiyasında (AİİK) müzakirəsi təxirə salınıb.
APA xəbər verir ki, bu barədə Ermənistanın iqtisadiyyat naziri Qevork Papoyan jurnalistlərə açıqlamasında bildirib.
Nazirin sözlərinə görə, müzakirənin təxirə salınması onunla Avrasiya İqtisadi İttifaqının müvafiq naziri arasında əldə olunmuş razılaşmanın nəticəsidir.
“Bu barədə danışmağım düzgün olmazdı. Bu, mənimlə Aİİ-nin naziri arasında əldə olunan razılaşmanın nəticəsidir”, – Papoyan qeyd edib.
Müzakirənin ilkin olaraq bir həftə sonra keçirilməsi nəzərdə tutulur.
Qeyd edək ki, Rusiya Kənd Təsərrüfatı Nəzarəti Xidməti (Rosselxoznadzor) may ayından etibarən Ermənistandan məhsul idxalına mərhələli şəkildə məhdudiyyətlər tətbiq edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
