Rusiyada BTR-82A zirehli transportyorları pilotsuz uçuş aparatlarından (PUA) qorumaq üçün yeni müdafiə sistemi ilə təchiz edilib. Lakin sistemin ciddi çatışmazlıqları üzə çıxıb.
APA UNIAN-a istinadən xəbər verir ki, yeni müdafiə sistemi metal barmaqlıqlar, zəncirlər, troslar və rezin örtüklərdən ibarətdir.
Məlumata görə, sistem Arzamas Maşınqayırma Zavodunda hazırlanıb. Yeni müdafiə vasitələri ilə təchiz edilmiş zirehli transportyorlar Belarusda keçirilən təlimlər zamanı görüntülənib.
Hərbi texnika üzrə araşdırmaçı Andrey Tarasenkonun sözlərinə görə, əlavə avadanlıq transportyorun çəkisini təxminən 15 faiz artırıb. Nəticədə zirehli maşının maksimal sürəti magistral yolda saatda 50, çətin relyefli ərazidə isə 20 kilometrə enib. Bundan başqa, müdafiə konstruksiyası döyüş qülləsinin hərəkətini məhdudlaşdırıb. Qüllə artıq tam dairə üzrə deyil, yalnız 270 dərəcə dönə bilir.
Ekspert bildirib ki, rezin örtüklər yanğın təhlükəsini artırır. Üstəlik, yeni sistem şəxsi heyəti tam qorumur və tank əleyhinə minalara qarşı nəzərdə tutulmayıb.
Tarasenko qeyd edib ki, BTR-82A köhnəlmiş BTR-80 platforması əsasında hazırlanıb. Onun fikrincə, bu, zirehli maşının daha da təkmilləşdirilməsini çətinləşdirir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
