Tovuz. Azər Məmmədli – APA. Tovuzda yaşayış evində yanğın olub.
APA-nın qərb bürosunun verdiyi məlumata görə, hadisə rayonun Nəsimi küçəsində Eldar Abdullayevə məxsus 5 otaqlı evdə qeydə alınıb. Ümumi sahəsi 268 kvadratmetr olan birmərtəbəli ev qəfildən tüstülənməyə başlayıb. Yanğın baş verən küçədə mənzillər bir-birinə yaxın yerləşdiyindən alovun digər evlərə keçməsi təhlükəsi də artıb. Əraziyə Tovuz Yanğından Mühafizə Hissəsinin 2 yanğınsöndürən avtomobili və canlı qüvvəsi cəlb edilib. Alov tez bir zamanda söndürülsə də, evin 1 otağı ev əşyaları ilə birlikdə yanaraq yararsız hala düşüb. Evin qalan hissəsi yanğından mühafizə etmək mümkün olub. Hadisə zamanı xəsarət alan olmayıb. Yanğının baş vermə səbəbləri araşdırılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
