Bakı. Hafiz Heydərov – APA. Azərbaycan Daxili İşlər Nazirliyinin (DİN) Baş Mütəşəkkil Cinayətkarlıqla Mübarizə İdarəsinin keçmiş rəisi tutulub.
APA-nın "Vesti.az"a istinadən verdiyi məlumata görə, 20 il axtarışda olan Nizami Musayev Səbail Rayon Polis İdarəsinin əməkdaşları tərəfindən saxlanılıb.
DİN-in mətbuat xidmətindən faktı təsdiqləyiblər.
Qeyd edək ki, N.Musayev 1992-ci ildə Banditizmə və Terrorizmə qarşı Mübarizə İdarəsinin (hazırda həmin idarə Baş Mütəşəkkil Cinayətkarlıqla Mübarizə İdarəsi adlanır) rəisi vəzifəsində çalışıb.
N.Musayev həmçinin tanınmış aktyor və kaskadyordur.