Bakı. Aqşin Rafiqoğlu - APA-Economics. Noyabrın 1-də Milli Məclisinə seçkilər keçirilib. Yerli və xarici, o cümlədən beynəlxalq təşkilatları təmsil edən müşahidəçilər və media mənsubları tərəfindən izlənilən parlament seçkiləri gün boyu "Azerspace-1" peykinin resurslarından istifadə olunmaqla yayımlanıb.
Rabitə və Yüksək Texnologiyalar Nazirliyindən "APA-Economics"ə verilən məlumata görə, "İctimai", "Xəzər", ANS, "Lider" və "Region" TV kanalları vasitəsilə seçkilərin operativ və fasiləsiz yayımı reallaşıb.
"Azerspace-1" peykinin resurslarından istifadə edən TV kanallar seçkilərin keçirildiyi müddətdə fasiləsiz və tam keyfiyyətli yayım əldə ediblər.