APA-nın Şəki-Zaqatala bürosunun verdiyi məlumata görə, hadisə bu gün səhər saat 10.30 radələrində Yevlax-Zaqatala-Balakən magistral yolunun Zaqatala şəhəri ərazisindən keçən hissəsində qeydə alınıb.
“VAZ-21014” və “VAZ-2106” markalı minik maşınlarının toqquşması nəticəsində şəxsiyyəti məlum olmayan bir kişi dünyasını dəyişib. Daha bir nəfər – 1969-cu il təvəllüdlü İsmayıl Kərimov isə aldığı ağır bədən xəsarətləri ilə Zaqatala Mərkəzi Rayon Xəstəxanasına yerləşdirilib.
Zaqatala Rayon Polis Şöbəsindən APA-ya bildirilib ki, hazırda polis qəzanın baş vermə səbəblərini araşdırır.