Bakı. Musa Əhmədov - APA-Economics. Londonda Avropa Yenidənqurma və İnkişaf Bankının (AYİB) qərargahında keçirilən üçüncü "Xəzər dəhlizi" konfransı çərçivəsində Böyük Britaniyanın "Compact GTL" və Qazaxıstan Respublikası arasında anlaşma memorandumu imzalanıb.
"Azərbaycan Beynəlxalq Bankı"ndan "APA-Economics"ə verilən məlumata görə, saziş Qazaxıstanda səmt qazının sutkada 2 mindən 3000 barelə qədər dizel yanacağına konvertasiyasını həyata keçirən GTL (Gas-to liquids) zavodunun inşasını nəzərdə tutur. "Compact GTL" şirkəti qazın mayeyə çevrilməsi texnologiyası üzrə ixtisaslaşan bir şirkətdir.
Üçüncü “Xəzər dəhlizi” konfransı dünən Londonda, AYİB-in qərargahında Azərbaycan Beynəlxalq Bankının (ABB), Britaniyanın “Asia House” və “TheCityUK” təşkilatlarının və Britaniya-Azərbaycan İşgüzar Şurasının (BABC) dəstəyi ilə baş tutub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
