Bakı. Vüsal Nəbiyev – APA-Economics. Kənd Təsərrüfatı Nazirliyi yanında Kənd Təsərrüfatı Layihələri və Kreditlərinin İdarə Edilməsi üzrə Dövlət Xidmətinin vəsaiti hesabına müvəkkil kredit təşkilatları vasitəsilə cari ilin yanvar-may ayları ərzində ölkənin 21 rayonunda fəaliyyət göstərən 41 kənd təsərrüfatı məhsulları istehsalçısına 4 mln. 423 min manat həcmində güzəştli kredit ayrılıb.
Kənd Təsərrüfatı Nazirliyindən “APA-Economics”ə verilən məlumata görə, verilmiş kreditlərin 13,9%-i quşçuluq, 6,3%-i balıqçılıq, 3,5%-i tərəvəzçilik və 67,3%-i isə heyvandarlıq sahələrinə ayrılıb.
Eyni zamanda, Dövlət Xidməti tərəfindən beynəlxalq təşkilatlarla birgə icra olunan layihələr çərçivəsində 10 sahibkara 2 mln. 341 min manat kredit verilib.