Samux. Azər Məmmədli – APA. Samuxda 55 yaşlı qadını ilan sancıb.
APA-nın qərb bürosunun verdiyi məlumata görə, rayonun Nəbiağalı qəsəbəsində baş verib.
Qəsəbə sakini, 1960-cı il təvəllüdlü Elza Salam qızı Əsgərova yaşadığı evin həyətyanı sahəsində işləyərkən onu ilan sancıb.
Qadın dərhal Gəncə şəhər Təcili Tibbi Yardım xəstəxanasına çatdırılıb. Həkimlər E. Əsgərovanın vəziyyətinin orta-ağır olduğunu bildirirlər.