Bakı. Etibar Məmmədov - APA. Müsavat Partiyasının seçkili orqanlarına keçirilən seçkilərin nəticələri açıqlanıb. Bu barədə APA-ya Müsavat başqanının müavini Gülağa Aslanlı məlumat verib. G. Aslanlı bildirib ki, sərbəst Məclis üzvlüyünə 143 namizəd qeydə alınsa da, onlardan yalnız 42 nəfəri Məclis üzvü seçilib: “Bunlardan 19-u xanım, 23 nəfəri isə kişidir. 38 yer boş qalıb”.
Mərkəzi Nəzarət və Təftiş Komissiyasına (MNTK) qeydə alınan 29 namizəddən yalnız 4-ü seçilib: “Bunlardan 3-ü xanımdır, 1 nəfər isə bəydir. 7 yer isə boş qalıb”.
G. Aslanlı qeyd edib ki, Müsavat Məclisinin növbəti toplantısı oktyabrın 11-də keçiriləcək.
Xatırladaq ki, sentyabrın 27-də Müsavat Partiyasının VIII qurultayı keçirilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
