Ağdam. Teymur Zahidoğlu - APA. Ağdamda “Bakı-2015. İlk Avropa Oyunlarına dəstək” adlı tədbir keçirilib.
APA-nın Qarabağ bürosunun xəbərinə görə, Ağdam Rayon İcra Hakimiyyətinin başçısı Raqub Məmmədov ilk Avropa Oyunlarının təşkili ilə bağlı görülən işlər barədə danışıb.
İcra başçısı qeyd edib ki, "Bakı-2015" oyunları Avropa idman tarixində yeni səhifə açacaq.
Yerli ictimaiyyət nümayəndələrinin və ziyalıların iştirak etdiyi tədbirə həmçinin "Son zəng"i qeyd edən yüzlərlə yeniyetmə qatılıb. Tədbir böyük konsert proqramı ilə davam etdirilib.