Şəki şəhər-rayon Polis Şöbəsindən APA-nın Şəki-Zaqatala bürosuna verilən məlumata görə, 1996-cı il təvəllüdlü, Bakı şəhər sakini Nigar Fəhmi qızı Sadıqzadə qohumları ilə Şəki şəhərinin yuxarı hissəsində dağlıq ərazidə istirahət edərkən onu ilan sancıb.
Nigar Sadıqzadə təcilli Şəki Rayon Mərkəzi Xəstəxanasına (RMX) aparılıb. Şəki RMX-dan APA-ya verilən məlumata görə, ilan Nigar Sadıqzadənin sol ayağının topuq nahiyyəsindən sancıb. Nigar Sadıqzadəyə lazimi ilkin tibbi yardım göstərilib və xəstəxananın reanimasiya şöbəsinə yerləşdirilib. Hazırda vəziyyəti orta-ağır hesab olunur. Məlumatda bildirilir ki, Nigar Sadıqzadə Şəki şəhərində yaşayan qohumlarına qonaq gəlib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
