Bakı. Viktoriya Dementyeva – APA. Azərbaycanın Ukraynadakı səfiri Eynulla Mədətli bu ölkənin baş nazirinin müavini Aleksandr Vilkul ilə görüşüb.
APA-nın Ukrayna hökumətinin mətbuat xidmətinə istinadən xəbərinə görə, görüş zamanı tərəflər iki ölkə arasında əməkdaşlıq perspektivlərini, o cümlədən ticarət-iqtisadi və aerokosmik sahələrdə əməkdaşlığın dərinləşdirilməsi imkanlarını müzakirə ediblər.
A.Vilkul iki ölkə arasındakı mədəni əlaqələrin səviyyəsindən danışaraq, bu ilin dekabrında UNESCO komitəsində müzakirəyə çıxarılacaq Ukraynanın xalq dekorativ sənətinin – Petrikov naxış sənətinin Ümumdünya qeyri-maddi irs siyahısına salınmasında Azərbaycanın dəstəyinə ümid etdiklərini vurğulayıb.
Qeyd edək ki, bu il Azərbaycan prezidenti İlham Əliyevin Ukraynaya rəsmi səfəri və Ukrayna-Azərbaycan Prezidentləri Şurasının dördüncü iclasının keçirilməsi gözlənilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
