Siyəzən. Vəli Turan - APA. Bu gün Siyəzən şəhərində yanğın hadisəsi baş verib.
APA-nın şimal bürosunun verdiyi məlumata görə, 1964-cü il təvəllüdlü Siyəzən şəhər sakini Balayev Eldar Ağamoğlan oğluna məxsus ümumi sahəsi 255 kv. m olan ikimərtəbəli 8 otaqlı evin 2-ci mərtəbəsində 1 otağının tavanı 6 kv.m sahədə və içərisində olan ev əşyaları qismən yanıb.
Hadisə yerinə cəlb olunan Siyəzən Dövlət Yanğından Mühafizə Hissəsinin 2 yanğınsöndürən maşını və canlı qüvvəsinin səyi nəticəsində evin qalan hissəsi yanğından mühafizə olunub.
Yanğının başvermə səbəbləri araşdırılır.