Moskva. Fərid Əkbərov - APA. Kremldə Rusiya prezidenti Vladimir Putinlə ABŞ dövlət katibi Con Kerri arasında görüş başlayıb. APA-nın Moskva müxbirinin verdiyi məlumata görə, Putin münaqişələrin nizamlanmasında Rusiya və ABŞ-ın qarşılıqlı səylərinin olduğunu qeyd edib.
Rusiya prezidenti bugünkü məsləhətləşmələr barədə ABŞ lideri Barak Obamaya məruzə ediləcəyinə ümid etdiyini də söyləyib.
Putin ilə Kerri Suriyadakı vəziyyəti, Ukrayna böhranını və eləcə də iki ölkə arasındakı münasibətlərə dair məsələləri müzakirə etməyi planlaşdırırlar.
Qeyd edək ki, Putin və Kerrinin görüşündə Rusiya XİN başçısı Sergey Lavrov, Rusiya prezidentinin köməkçisi Vladislav Surkov, ABŞ dövlət katibinin köməkçisi Viktoriya Nuland və ABŞ-ın Rusiyadakı səfiri Con Teft də iştirak edir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
