Balakən. Vüqar Heydərov-APA. Balakəndə yanğın hadisəsi baş verib.
Fövqaladə Hallar Nazirliyinin (FHN) Balakən rayon Dövlət Yanğından Mühafizə Hissəsindən APA-nın Şəki-Zaqatala bürosuna verilən məlumata görə, yanğın rayonun Tülü kəndində, Ramiz Ramazan oğlu Bayramovun yaşadığı evin həyətyani sahəsində tikilmiş, ümumi sahəsi 180 kv/m olan taxta sexində qeydə alınıb.
Hadisə yerinə FHN-nin Balakən rayon DYMH-nin texnikası və canlı qüvvəsi cəlb edilib. Baş vermiş yanğın nəticəsində taxta sexinin dam örtüyünün yanar konstruksiyaları 50 kv/m sahədə və içərisinə yığılmış 8 kubmetr taxtanın 2 kubmetri yanıb. Sexin və taxtanın qalan hissəsi yanğından mühafizə olunub.
Yanğın zamanı xəsarət alan olmayıb.
Faktla bağlı FHN-nin Balakən rayon DYMH-də araşdırma aparılır.