Daxili siyasət

Daxili siyasət

Azərbaycan siyasətçilərinin AŞ PA-nın qətnaməsinə münasibəti SORÄžU

Azərbaycan siyasətçilərinin AŞ PA-nın qətnaməsinə münasibəti <font color=red>SORÄžU</font>

25 iyun 2008 14:31 (UTC +04:00)

Bu sözləri APA-ya açıqlamasında Milli Birlik Hərəkatının (MBH) lideri Lalə Şövkət deyib. Onun sözlərinə görə, sənəddə demokratiya ilə bağlı bütün problemlər əksini tapıb: “Amma bunlar tətbiq olunacaqmı, əsas budur. Çünki indiyə kimi qəbul olunan qətnamələrdə əksini tapan tələblər hələ də təmin olunmayıb. Ona görə mən bu dəfə də nikbin deyiləm”. Lalə Şövkət Avropa Şurasının (AŞ) özünün də siyasi iradəsinin olmadığını vurğulayıb: “Qurum hər il qətnamə qəbul edir, amma öhdəliklərin yerinə yetirilməməsinin qarşılığında heç bir addım atılmır. Bu onu göstərir ki, neft bahalaşıb, demokratiya isə ucuzlaşıb. Azərbaycanda vəziyyətin normallaşması artıq Avropa Şurasından asılı deyil, bunu cəmiyyət özü etməlidir”.
Azərbaycan Demokrat Partiyasının (ADP) sədri Sərdar Cəlaloğlu da beynəlxalq təşkilatların bu cür deklarativ qərarlarının Azərbaycan üçün elə bir əhəmiyyətinin olmadığını düşünür. Onun sözlərinə görə, AŞ-də Azərbaycanla bağlı bundan da kəskin qətnamələr qəbul edilib: “Amma bu qətnamələrin Azərbaycanda siyasi situasiyaya, rəsmi Bakının qurum qarşısında götürdüyü öhdəlikləri yerinə yetirməsinə heç bir təsiri olmayıb, demokratik inkişafa gətirib çıxarmayıb. Bu baxımdan növbəti qətnamə şuranın öz simasını qorumaq cəhdindən başqa bir şey deyil. Düşünürəm ki, bu qətnamənin də siyasi proseslərə ciddi təsiri olmayacaq. Çünki Avropa Şurası özü Azərbaycandakı hadisələrə bir çox halda adekvat reaksiya vermir, situasiyanı düzgün qiymətləndirmir və ciddi mövqe tutmur”. S. Cəlaloğlunun fikrincə AŞ-nin Azərbaycanda demokratiyanı inkişafı ilə bağlı siyasi iradəsi yoxdur.
Müsavat Partiyasının Mərkəzi İcra Aparatının rəhbəri Arif Hacılı isə sərbəst toplaşmaq hüququ, seçki komissiyalarının tərkibi, seçki kampaniyası dövründə televiziyalarda təbliğat, söz və mətbuat azadlığı, jurnalistlərin həbsi ilə bağlı qətnamədə qeyd olunanları müsbət qiymətləndirir: “Amma düşünmürəm ki, yalnız bu cür narahatlıq ifadə etməklə Azərbaycanda vəziyyətin dəyişdirilməsinə nail olmaq mümkündür. Azərbaycan Avropa Şurasının üzvüdür və bura daxil olarkən bəzi demokratik islahatlar aparmaq barədə üzərinə öhdəlik götürüb. Şura borcludur ki, bu məsələlərlə əlaqədar yalnız narahatlıq ifadə etməklə kifayətlənməsin, əksinə daha təsirli vasitələrlə öhdəliklərin yerinə yetirilməsinə nail olsun”. A. Hacılı hesab edir ki, bu cür addımlar atılarsa, həqiqətən də Azərbaycanda demokratik islahatların aparılacağına ümid bəsləmək olar.
Hakim Yeni Azərbaycan Partiyasının (YAP) Siyasi Şurasının üzvü, millət vəkili Aydın Mirzəzadə isə APA-ya bildirib ki, qətnamədə bəzi müsbət məqamlar var: “Qətnamədə müsbət müddəalardan biri Dağlıq Qarabağla bağlı müddəadır. Doğrudan da, Dağlıq Qarabağ probleminin həll edilməməsi ölkədə demokratiyanın inkişafına müəyyən təsir göstərir. Ermənilərin bütün cəhdlərinə baxmayaraq, işğal olunmuş torpaqlar məsələsi qətnaməyə salındı. Dağlıq Qarabağ probleminin həll edilməməsi ilk dəfədir ki, demokratiyanın inkişafına ciddi problem yaradan amil kimi göstərilir. Şübhəsiz ki, torpaqlarımızın işğalı, bir milyon qaçqının olması cəmiyyətin arzu edilən demokratiyaya çatmasına mane olur”. Bununla belə, millət vəkili sənəddə bir sıra məsələlərlə bağlı subyektivliyin olduğunu, faktlar yoxlanmadan qərar verildiyini qeyd edib: “Beş nəfərin adını siyahıya salınaraq onların azadlığa buraxılmasını tələb etməyi düzgün saymıram. Beynəlxalq təşkilat dövlətdən nəyisə tələb edə bilməz, tövsiyə edə bilər. Digər tərəfdən, əgər onlar milli qanunvericiliyə görə məhkum ediliblərsə, kiminsə tələbi ilə azadlığa buraxıla bilməzlər. Bunun üçün hüquqi prosedur var və bu mərhələləri keçmək lazımdır. Heç bir əsas olmadan onların siyasi məhbus adlandırılması da Avropa Şurasının bu məsələdə kifayət qədər problemlərinin olduğunu göstərir”. A. Mirzəzadə AŞ PA-da keçirilən müzakirələr zamanı həm demokratiyanın inkişafı üçün Azərbaycanın göstərdiyi səyləri dəstəkləyən, həm də situasiyanı dərindən bilmədən rəsmi Bakını qınayan çıxışların olduğunu xatırladıb.

AŞPA_qətnamə