Daxili siyasət

Ana səhifə

Daxili siyasət

Daniel Blesinqton: “Azərbaycanda demokratik seçkilərin keçiriləcəyinə inanırıq” - EKSKLÜZİV

Daniel Blesinqton: “Azərbaycanda demokratik seçkilərin keçiriləcəyinə inanırıq” - <font color=red>EKSKLÜZİV</font>

09 iyul 2008 08:26 (UTC +04:00)

- Rəhbərlik etdiyiniz qurum Azərbaycanda prezident seçkiləri ilə bağlı hansı tədbirlər həyata keçirməyi planlaşdırır?
- Oktyabrda keçiriləcək prezident seçkiləri üçün İFES-in Azərbaycandakı nümayəndəliyi hökumətə beynəlxalq və milli seçki öhdəliklərini yerinə yetirməsində köməklik edir. İFES-in layihələrinin məqsədlərindən biri daha effektiv, qərəzsiz, nizama salınmış seçkilər qurmaq və seçki idarəetmə orqanlarının öz funksiyalarını yaxşı yerinə yetirməsi üçün onları gücləndirməkdir. İFES Azərbaycan Avropa Şurasının Venesiya Komissiyası, ATƏT-in Demokratik Təsisatlar və İnsan Hüquqları Bürosu ilə birgə, Prezident Aparatı və Mərkəzi Seçki Komissiyası ilə birgə Seçki Məcəlləsinin dəyişdirilməsi prosesində yaxından iştirak edib. İFES həmçinin Azərbaycan MSK-nın tərkibinə, şikayət və müraciətlər mexanizminə dair görüşlər keçirərək, prosesə siyasi partiyaları və vətəndaş cəmiyyətini cəlb etməkdə aparıcı rol oynayıb. 2007-ci ilin fevralında keçirilən görüşlərin məqsədi konkret məsləhətləri toplayıb məsələ ilə məşğul olan qanun layihəçilərinə təqdim etmək idi. Qanuna edilən dəyişiklərdən sonra, İFES Azərbaycan dəyişikliklərin yerinə yetirilməsinə kömək edəcək və yoxlayacaq. Seçki idarəetmə orqanlarının potensial quruculuğu sahəsinə gəldikdə isə İFES MSK-ya onun rəhbərliyi ilə daimi məsləhətləşmələr və görüşlərində iştirak etmək yolu ilə texniki köməkliyini davam etdirir. Şikayət və müraciətlərə baxılması prosedurasına yeni dəyişiklərin tətbiq edilməsi üçün MSK ilə işi davam etdiririk. Bununla bağlı bizim xəttimizlə ABŞ-dan Azərbaycana məsləhətçi gəlmişdi. Onun ayın sonunda yenidən Azərbaycana gələcəyi gözlənilir. Dairə seçki komissiyalarının təlimlərində Venesiya Komissiyası ilə birgə işi davam etdiririk. Bundan başqa məntəqə seçki komissiyaları üçün video treninqlərin inkişaf etdirilməsi üzrə plan üzərində çalışırıq. İFES həmçinin MSK ilə seçki idarəetmə orqanlarının və seçicilərin məlumatlandırması istiqamətində birgə işini davam edəcək. Əvvəl olduğu kimi, bu məlumat materialları MSK vasitəsilə inkişaf etdiriləcək və yayılacaq.
- Seçki prosesində nəşr etdirdiyiniz müxtəlif təbliğat materiallarının seçicilərin fəallaşmasına və seçki komissiyalarının üzvlərinin maarifləndirilməsinə hər hansı təsiri olurmu?
- Biz bir qayda olaraq seçki günü üçün yaddaş kitabçası, səsvermə qaydalarına dair kiçik yaddaş kitabçası, Seçki Məcəlləsinin Azərbaycan dilində əlavə sürətini və ingilis versiyasını nəşr edirik. Əlbəttə ki, maliyyədən asılı olaraq ictimai elanlar yerləşdirməyi, video treninqlər keçirməyi də planlaşdırırıq. Seçicilərə və seçki ilə məşqul olan şəxsləri məlumatlandırmaq çox vacibdir. Bunun kömək edəcəyinə şübhə etmirəm. Prezident seçkilərində “exit-poll” keçirməyi planlaşdırmırıq.
- Bəzi müxalifət partiyalarının seçkiləri boykot eləməsini necə qiymətləndirirsiniz?
- İFES tam bitərəf təşkilatdır və mən heç bir siyasi partiyanın və ya fərdin siyasi qərarlarını şərh etmək istəmirəm. Onlar öz fərdi perspektivləri baxımından nəyin ən yaxşı olduğuna inanıb hərəkət edəcəklər. Lakin, bir qayda olaraq biz rəqabətə inanırıq və seçki prosesində iştirakı təbliğ edirik. Azərbaycanda demokratik seçkilərin keçiriləcəyinə inanırıq.
- Müxalifət partiyalarla hər hansı əməkdaşlıq nəzərdə tutulurmu?
- İFES bitərəf qurumdur. Biz seçkilərin keçirilməsi prosesini inkişaf etdirməklə məşğuluq. Bu məqsədlə, rəsmi qurumlarla, beynəlxalq təşkilatlarla, siyasi partiyalarla, vətəndaş cəmiyyəti ilə birgə çalışırıq. Əməkdaşlığımızı dəyirmi masa və seminarların keçirilməsi, siyasi partiyaların nəşrlərlə təmin edilməsi formasında həyata keçiririk. Biz hər zaman siyasi partiyalara seçkilərin texniki aspekti üzrə məlumat verə və köməklik göstərə bilərik.
- ABŞ-ın seçkilərlə bağlı Azərbaycana maliyyə yardımı ayırması dövlətin daxili işlərinə qarışmaq kimi qiymətləndirilməsinə münasibətiniz necədir?
- Amerika Birləşmiş Ştatlarının hökuməti USAİD vasitəsilə Azərbaycandakı fəaliyyətimizi maliyyələşdirir. Biz maliyyə dəstəyini həmçinin başqa ölkələr və beynəlxalq təşkilatlardan alırıq. Lakin Amerika Birləşmiş Ştatlarının hökumətinin maliyyə dəstəyi bizə seçkilər arasında müddətdə ofis və işçiləri saxlamaq imkanı verir. Prezident Aparatı və MSK-nın xahişi ilə İFES bu qurumlarla sıx əməkdaşlıq edir.
- Bəzi partiyalar İFES-i ciddi təşkilat hesab etmir. Bu fikrə münasibətiniz necədir?
- Belə fikir söyləyən bir nəfəri mən tanıyıram. İnsanlar istənilən kimi danışa bilərlər. İFES ciddi təşkilatdır. Biz Azərbaycanda seçki məsələləri sahəsində ən bilikli təşkilatıq.