Daxili siyasət

Ana səhifə

Daxili siyasət

Ermənistan Silahlı Qüvvələri atəşkəsi pozmaqda davam edir

11 avqust 2008 06:53 (UTC +04:00)

Bakı - APA. Ermənistan Silahlı Qüvvələri atəşkəsi pozmaqda davam edir. Müdafiə Nazirliyinin mətbuat xidmətindən APA-ya daxil olan məlumata görə, düşmən bölmələri avqustun 10-da saat 17.00-dan 17.55-dək və 21.05-dən 21.20-dək fasilələrlə Ermənistan Respublikası Berd rayonu ərazisindəki adsız yüksəklikdə və Çinari kəndi ərazisində yerləşən mövqelərindən Azərbaycan Silahlı Qüvvələrinin Tovuz rayonunun Koxa Nəbi və Ağdam kəndləri ərazisində yerləşən mövqelərini, saat 10.35-dən 10.42-dək və avqustun 11-də saat 03.10-dan 03.15-dək Ağdam rayonunun Yusifcanlı kəndi yaxınlığında yerləşən mövqelərindən, saat 19.45-dən 20.50-dək Goranboy rayonunun Tapqaraqoyunlu kəndi yaxınlığında yerləşən mövqelərindən, saat 23.20-dən 23.45-dək və avqustun 11-də saat 00.20-dən 00.45-dək Füzuli rayonunun ərazisindəki adsız yüksəkliklərdə və Qərvənd kəndi yaxınlığında yerləşən mövqelərindən, saat 23.50-dən 23.58-dək və avqustun 11-də 00.20-dən 00.45-dək Xocavənd rayonunun Kuropatkino kəndi yaxınlığında yerləşən mövqelərindən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutub. Bütün hallarda düşmən cavab atəşi ilə susdurulub, itki yoxdur.

atəşkəs