Daxili siyasət

Ana səhifə

Daxili siyasət

Demokratik Azərbaycan Dünyası Partiyası İlham Əliyevin prezidentliyə namizədliyinin dəstəklənməsi barədə qərar qəbul edib

18 avqust 2008 10:46 (UTC +04:00)

Bakı. Elnur Məmmədli - APA. Bu gün Demokratik Azərbaycan Dünyası Partiyasının (DADP) III qurultayı keçirilib. APA-nın məlumatına görə, partiya sədri Məmməd Əlizadə çıxışında bildirib ki, rayon təşkilatlarının konfranslarından 650 qurultay nümayəndəsi seçilib, onlardan 644-ü ali orqanın toplantısında iştirak edir. Qurultayda əvvəlcə sədarət, say komissiyası formalaşdırılıb, gündəlik təsdiq edilib.

Gündəliyə partiyanın və Mərkəzi Nəzarət Təftiş Komissiyasının (MNTK) sədrlərinin hesabatları, partiya sədrinin, MNTK-nın tərkibinin seçilməsi, partiya Nizamnaməsinə əlavələr və oktyabrın 15-də keçiriləcək prezident seçkilərində İlham Əliyevin namizədliyinin irəli sürülməsi məsələləri daxil edilib. DADP sədri M. Əlizadə çıxışında bildirib ki, ötən müddət ərzində təşkilat işlər daha da gücləndirib, partiya üzvlərin sayı artıb. DADP-nin ideoloji-siyasi xətti barədə danışan M. Əlizadə milli şüur və milli düşüncəni əsas götürdüklərini, Heydər Əliyevin müəyyənləşdirdiyi yolu davam etdirdiklərinin qeyd edib.

O, həmçinin ölkədə vətəndaş cəmiyyətinin qurulduğunu söyləyib: “Özəl sektorun inkişafı ilə meyarı istedad və peşəkarlıq olan kadr siyasəti müxtəlif dövlət idarəetmə, hüquq-mühafizə, təhsil, səhiyyə və digər sahələrə miskin görkəm gətirən cinayətkar sövdələşmələrə mütərəqqi alternativ yaranmaqdadır. Korrupsiya və rüşvətxorluğun qarşısını səmərəli şəkildə ala biləcək əhəmiyyətli çıxış yolu ictimai nəzarət mexanizmini tam gücü ilə işə salmaqdır”.

Azərbaycanın iqtisadi siyasətindən danışan M. Əlizadə inkişaf tempinə görə ölkənin liderlər sırasında olduğunu vurğulayıb. Bununla bərabər, o, bəzi problemlərin də olduğunu dilə gətirib: “Partiyamız əhalinin hazırkı vəziyyətindən heç də tam razı deyil, ölkənin iqtisadiyyatına rəhbərlik edən məmurlar bəzən elə səhvlərə yol verirlər ki, bu, əhalinin güzəranının ağırlaşmasına səbəb olur”.

M. Əlizadə çıxışının sonunda prezident seçkilərində İlham Əliyevin namizədliyinin dəstəklənməsi təklifi ilə çıxış edib. MNTK sədri çıxışından sonra həm sədrliyə, həm də MNTK üzvlüyünə seçkilər keçirilib. M. Əlizadə yenidən DADP-ın sədri seçilib. Qurultay nümayəndələri İ. Əliyevin namizədliyinin dəstəklənməsinə yekdilliklə səs veriblər.

DADP_İlham_Əliyev