Daxili siyasət

Ana səhifə

Daxili siyasət

Prezident 8 mart münasibətilə Azərbaycan qadınlarını təbrik edib

07 mart 2009 19:57 (UTC +04:00)

: “Qədim zamanlardan bəri vətənə və torpağa sədaqəti ilə seçilən qadınlarımız milli məfkurəyə sadiq qalaraq, bu gün də suveren Azərbaycanın güclənməsi naminə töhfələr verirlər. Onlara xas olan işgüzarlıq, müdriklik, yüksək daxili mədəniyyət və xalqımızın yüzillər boyu təşəkkül tapmış zəngin milli-mənəvi sərvətlərinə sədaqət müasir Azərbaycan qadınının ictimai həyatımızda mövqeyini və simasını müəyyən edir”.
Təbrikdə Azərbaycan qadınının 1918-ci ildə seçib-seçilmək hüququ qazandığı, XX əsrdə qısa müddət ərzində bir neçə əsrə bərabər inkişaf yolu keçdiyi də vurğulanıb. Qadınların xalqın maariflənməsi, mədəniyyətin yüksəlişi və müasir iqtisadiyyatın qurulmasında nümayiş etdirdiyi peşəkarlıq və fədakarlıq qeyd olunub: “Cəmiyyətimizdə qadınlara göstərilən yüksək ehtiram mədəniyyət, elm, təhsil, səhiyyə və digər istiqamətlərdə onlara bilik və bacarıqlarını gerçəkləşdirmək üçün əlverişli zəmin yaradıb. Qadınlarımız bu gün də müxtəlif sahələrdə, o cümlədən vətəndaş cəmiyyəti quruculuğunda və mədəniyyətlərarası dialoqun formalaşdırılmasında öz intellektual potensiallarını əsirgəmirlər”.

Prezident ümidvar olduğunu bildirib ki, Uşaq ili elan olunan 2009-cu ildə qadınlarımız gələcək nəsillərin milli-mədəni irsə, adət-ənənələrimizə hörmət ruhunda tərbiyəsində var qüvvələrini sərf edəcək, daim yeniləşən ölkəmizin daha da çiçəklənməsi prosesinə layiqincə xidmət göstərəcəklər.

Qeyd edək ki, prezident İlham Əliyev bu gün müxtəlif peşə sahələrini təmsil edən bir qrup qadının fəxri adlar, həmçinin orden və medallarla təltif olunması ilə bağlı da sərəncamlar imzalayıb.