Daxili siyasət

Ana səhifə

Daxili siyasət

Açıq Cəmiyyət Partiyasının lideri: “Müsavatla AXCP-nin birləşməsinin məqsədi yenə məlum deyil” - MÜSAHİBƏ

Açıq Cəmiyyət Partiyasının lideri: “Müsavatla AXCP-nin birləşməsinin məqsədi yenə məlum deyil” - <font color=red>MÜSAHİBƏ</font>

06 yanvar 2010 15:11 (UTC +04:00)

- 2010-cu ildə Açıq Cəmiyyət Partiyası və özünüzün siyasi fəaliyyətinizlə bağlı hansı planlarınız var?

- ACP 2010-cu ildə kifayət qədər aktivləşəcək. Şüarlarla yox, yüksək intellektual səviyyəsi ilə cəmiyyətdə layiqli yerini tutmağa cəhd edəcək. Ölkənin siyasi quruluşu demokratiya bünövrəsi üzərində qurulmayana qədər xalqın nə bu gününün, nə də gələcəyinin olmayacağına şübhə olmadığını hər kəsə anlatmağa çalışacağıq. Hər bir şəxsin qanunlar çərçivəsində özü istədiyi kimi yaşamağa haqqı var və bu, təmin olunmalıdır.

- ACP-nin rəhbərliyində edilən dəyişikliklərdən sonra bu partiyanın fəaliyyətini necə qiymətləndirirsiniz? Partiyada yenidən kadr dəyişikliyi etmək fikriniz varmı?

- Hələ qiymət veriləsi elə bir iş görülməyib. Kadr dəyişiklərinə gəldikdə, bu partiyanın Ali Məclisinin işidir.

- Bu il Azərbaycanda parlament seçkiləri keçiriləcək. Bu seçkilərdə iştirak edəcəksinizmi?

- İndidən bir şey söyləmək çətindir.

- ACP seçkilərdə hansı formada iştirak edəcək, müxalifətdaxili bloklara qoşulacaqmı?

- Bu suala da cavab vermək hələ tezdir.

- Müsavat Partiyası ilə AXCP-nin parlament seçkilərində vahid blokda iştirak etməsi nəzərdə tutulur. Bundan başqa, bu partiyaların birləşməsi məsələsi də gündəmə gətirilir. Bu ittifaqdan nə gözləyirsiniz?

- Demokratiya uğrunda birləşmək təqdirəlayiqdir. Ancaq bu birləşməyin məqsədi yenə məlum deyil. Məqsəd yenə parlamentdə 5-6 yer almaqdan gedirsə, nə fərqi var bir yerdəsən, ya yox. Keçən dəfə Müsavata verilib, ola bilər ki, bu dəfə 3-ü Müsavata 2-si Xalq Cəbhəsinə verilsin. Bu məsələnin nə Azərbaycana, nə də onun xalqına dəxli yoxdur, daxili məsələdir. Daha sadə dildə desək, idmançı hansısa bir yarışı uduzursa, əgər gələcəkdə udmaq fikri varsa, gecə-gündüz məşq edir, əsas məsələ yeni-yeni variantlar, üsullar tapır. Əgər idmançı uduzmasının səbəbini axırıncı görüşündən növbəti görüşünə qədər ancaq hakimdə axtarırsa, daha da acınacaqlı uduzacaq. Siyasətdə də belədir. Bələdiyyə seçkiləri ilə əlaqədar, demək olar ki, bu illər ərzində müxalifət heç bir variant üzərində düşünməyib. Çox təəssüf edirəm ki, mənim dediklərimdən inciyənlər tapılır, ancaq bunlar həqiqətdir.

- ABŞ-ın hazırkı hakimiyyəti ilə əlaqələriniz varmı? Varsa, hansı səviyyədədir?

- Həm Ağ Evdə, həm də Konqresdə kifayət qədər tanınmış və yuxarı vəzifədə işləyən tanışlarım var.

- Azərbaycana nə vaxt dönməyi düşünürsünüz?

- Bu suala cavab vermək hələ ki, çətindir.

Rəsul_Quliyev