Daxili siyasət

Ana səhifə

Daxili siyasət

“Gənc Liderlər üçün Qış Universiteti”inin iştirakçıları “Planet Parni iz Baku” KVN Teatrının üzvləri ilə görüşüblər

03 fevral 2010 19:30 (UTC +04:00)

APA-nın məlumatına görə, görüşdə “Planet Parni iz Baku” KVN Teatrının üzvləri gəncləri onları maraqlandıran sualları cavablandırıblar.

T.İmanov təmsil etdiyi qurumun tarixindən, keçdiyi yoldan, hazırkı fəaliyyətlərindən danışaraq hazırda Azərbaycanda Şən və Hazırcavablar Klublarının qeyri-aktivliyindən də şikayətlənib.
KVN-nin Azərbaycan üçün çox böyük əhəmiyyətli olduğunu vurğulayan hazırcavab, məhz bu səbəbdən “Planet Parni iz Baku” KVN Teatrının müstəqil bir qurum kimi, “Şən Nar” yumor kuboku adlı müsabiqə keçirmək və Azərbaycanda olan istedadlı uşaqları ön plana çəkmək qərarına gəlib: «Əsas məqsəd istedadlı gənc uşaqlardan komanda yaratmaq və Azərbaycanı Beynəlxalq arenada layiqincə təmsil etməkdir»

Beynəlxalq “KVN”-nin qaydalarından danışan teatr rəhbəri oyunların rus dilində keçirilməsini diqqətə çatdırıb və gənc nəslin rus dilini mükəmməl bilməməsini təəssüflə vurğulayıb.

T.İmanov “KVN”nin həm Azərbaycan üçün, həm də digər ölkələr üçün siyasət olduğunu deyərək, gəncləri yeni yaranan “KVN” qurumlarına mənəvi dəstək olmasına çağırıb.

Qeyd edək ki, fevralın 2-dən 10-dək Oğuzda yerləşən “Afra” otelində həyata keçirilən “Gənc Liderlər üçün Qış Universiteti”ndə müxtəlif qurum və təşkilatları, sosial təbəqələri təmsil edən 100 gənc iştirak edir. Gənclər “Uğur”, “Tərəqqi”, “Etimad” və “İnkişaf” adlı qruplara bölünərək gənc liderlər üçün natiqlik, liderlik, idarəetmə, biznes, informasiya texnologiyalarının önəmi, xarici siyasət, qanunvericilik, Azərbaycanda yeni dövrün prioritetləri, siyasi fəlsəfə, siyasi antropologiya, demokratikləşmə, Azərbaycanda gənclər siyasəti, vətəndaş cəmiyyəti, KİV sektorunda müasir tendensiyalar, Azərbaycançılıq fəlsəfəsi ilə bağlı mühazirələr keçirilir.