Daxili siyasət

Ana səhifə

Daxili siyasət

Azərbaycanla Fransa arasında 9 sənəd imzalanıb

30 yanvar 2007 17:49 (UTC +04:00)

Burada ölkə başçısını Parisin meri Bertran Delanoe qarşılayıb. Görüşdə çıxış edən Paris meri Azərbaycan prezidentini bu şəhərdə salamlamaqdan məmnun olduğunu deyib və iki ölkə arasında münasibətlərin uğurla inkişaf etməsinə sevindiyini deyib. Azərbaycan prezidenti İlham Əliyev isə çıxışında Azərbaycandakı iqtisadi inkişafdan, bölgənin böyük iqtisadi layihələrindən və Dağlıq Qarabağ problemindən danışıb. Merlə görüşdən sonra Azərbaycan prezidentinin şərəfinə ziyafət verilib.
Daha sonra Azərbaycan prezidentinin başçılıq etdiyi nümayəndə heyəti Fransanın baş naziri Dominik de Vilpenlə görüşüb. Görüşdə Fransa ilə Azərbaycan arasında əməkdaşlığın inkişaf etdiyi, iki ölkə arasında imzalanacaq sənədlərin gələk əməkdaşlıqda böyük rol oynadığı da vurğulanıb.
Daha sonra Azərbaycanla Fransa arasında 9 sənəd imzalanıb. Bunlar:

- Azərbaycan və Fransa hökumətləri arasında “Mülkü mühafizə və müdafiə sahəsində qarşılıqlı yardım və əməkdaşlıq haqqında” saziş,
- Azərbaycanın Mədəniyyət və Turizm Nazirliyi ilə Fransanın Mədəniyyət və Kommunikasiya Nazirliyi arasında əməkdaşlıq haqqında Memorandum
- Azərbaycanın Mədəniyyət və Turizm Nazirliyi ilə Fransanın Mədəniyyət və
Kommunikasiya Nazirliyi arasında muzey işi sahəsində əməkdaşlığa dair protokol
- Hər iki ölkənin Milli Kitabxanaları sahəsində əməkdaşlığa dair Memorandum
- Azərbaycan və Fransa hökumətləri arasında kredit sahəsində əməkdaşlığa dair saziş
- Azərbaycanın Ailə, Qadın və Uşaq Problemləri üzrə Dövlət Komitəsi ilə Fransanın Əmək,Sosial Bərabərlik və Yaşayış Nazirliyi arasında qarşılıqlı anlaşma Memorandumu
- Azərbaycan Milli Elmlər Akademiyası ilə Fransanın Elmi Araşdırmalar Mərkəzi arasında elmi əməkdaşlığa dair saziş
- Azərbaycanın İqtisadi İnkişaf Nazirliyi ilə Fransanın “Svint” təşkilatı arasında Bakının ətraf ərazilərinin tullantılardan təmizlənməsinə dair razılaşma
- Azərbaycan Hava Yolları Dövlət Konserni ilə Fransanın şirkəti arasında Dörd təyyarənin alınması ilə bağlı saziş
- Daha sonra Azərbaycan prezidentinin Fransa Senatın prezidenti Kristian Ponsele ilə görüşü keçirilib.
Bu gün ölkə başçısının Milli Assambleyanın prezidenti Jan-Lui Debre, XİN başçısı Filipp Düst-Blazi, müdafiə naziri xanım Mişel Allio-Mari, kənd təsərrüfatı və balıqçılıq naziri Dominik Büssero, veteranların işi üzrə səlahiyyətli nazir Xamlaui Mekaşera ilə görüşləri gözlənilir.
Səfərdə prezidenti xarici işlər naziri Elmar Məmmədyarov, fövqəladə hallar naziri Kəmaləddin Heydərov, iqtisadi inkişaf naziri Heydər Babayev, Ailə, Qadın,və Uşaq Problemləri üzrə Dövlət Komitəsinin sədri Hicran Hüseynova və digər hökumət nümayəndələri, iş adamları müşayiət edir. /APA/