Daxili siyasət

Ana səhifə

Daxili siyasət

Azərbaycan hərbçiləri ikitərəfli hərbi əməkdaşlıq planına uyğun olaraq bir neçə beynəlxalq tədbirdə iştirak edir

26 fevral 2007 08:53 (UTC +04:00)

Bu gün Azərbaycanla Ukrayna arasında imzalanmış ikitərəfli hərbi əməkdaşlıq planına uyğun olaraq Kişinyov şəhərində “MEDCEUR-2007” təliminin əsas planlaşdırma konfransı işə başlayıb. Konfrans martın 2-dək davam edəcək. Bu barədə APA-ya Müdafiə Nazirliyindən məlumat verilib. Bu gün həmçinin Azərbaycanla Türkiyə arasında imzalanmış ikitərəfli hərbi əməkdaşlıq planına uyğun olaraq Yalova şəhərində “Hava hücumundan müdafiə silahları” üzrə kurs başlayıb. Kurs martın 9-dək davam edəcək. Rumıniya ilə imzalanmış ikitərəfli hərbi əməkdaşlıq planına uyğun olaraq fevralın 26-dan martın 16-dək Sibiu şəhərində “NATO-nun Rabitə Prosedurları” kursu keçirilir. Latviya ilə imzalanmış ikitərəfli hərbi əməkdaşlıq planına uyğun olaraq bu gün Liepaya şəhərində “Gəmi dalğıcı” kursu başlayıb. Kurs martın 30-dək davam edəcək. Azərbaycanla Böyük Britaniya arasında imzalanmış ikitərəfli hərbi əməkdaşlıq planına uyğun olaraq fevralın 26-dan aprelin 6-dək Vişkov şəhərində “Sülhü Dəstəkləmə Əməliyyatları üzrə təlimatçı hazırlığı” kursu keçirilir. Bütün tədbirlərdə Azərbaycan Silahlı Qüvvələrinin nümayəndələri iştirak edir. /APA/