Daxili siyasət

Daxili siyasət

Azərbaycan Milli Məclisinin üzvü Avrasiya İqtisadi Sammitinin İstanbulda keçiriləcək 10-cu iclasında iştirak edəcək

02 may 2007 08:24 (UTC +04:00)

Bu gün Milli Məclisin deputatı Asəf Hacıyev Strateji və Sosial Araşdırmalar Mərkəzinin “Mərmərə” qrupu tərəfindən təşkil olunan Avrasiya İqtisadi Sammitinin 10-cu iclasında iştirak etmək üçün İstanbula yola düşüb. Parlamentin mətbuat xidmətindən APA-ya daxil olan məlumata görə, mayın 2-5-də keçiriləcək sammitdə beynəlxalq təşkilatların nümayəndələri, görkəmli siyasətçilər, elm və iş adamları iştirak edəcək. Tədbirdə “Enerji geosiyasəti və qlobal iştirakçılar” mövzusu ətrafında geniş fikir mübadiləsi aparılacaq, region ölkələri arasında iqtisadi, mədəni, turizm sahələrində qarşılıqlı münasibətlər müzakirə olunacaq. A. Hacıyev mayın 7-8-də Berlində keçiriləcək Cənub-Şərqi Avropa Assosiasiyasının və Almaniya Federal Xarici İşlər İdarəsinin birgə təşkil etdikləri beynəlxalq konfransda da iştirak edəcək. Konfransda “Avropa İttifaqı və Qara dəniz regional əməkdaşlığı” mövzusunda müzakirələr aparılacaq. Tədbirin gündəliyinə vətəndaş cəmiyyəti rolunun artırılması, gənclər siyasəti, mütəşəkkil cinayətkarlıqla mübarizə, miqrasiya, ətraf mühit və s. məsələlər daxil edilib. /APA/