Daxili siyasət

Ana səhifə

Daxili siyasət

Bakı-Ceyhan boru kəmərinə qarşı hazırlanan terrorun qarşısı alınıb

24 may 2007 14:23 (UTC +04:00)

APA-nın Türkiyə bürosunun xəbərinə görə, çantasında 11 kilo 300 qram A-4 partlayıcı maddəsi, 2 əl qumbarası və partlayış törətmək üçün müxtəlif ləvazimatlar tapılan qadın ilkin ifadəsində “Öcalanı zəhərlədiniz, ona görə sizi öldürəcəkdim” deyib. Amma istintaq onun əsl hədəfinin Bakı-Tiflis-Ceyhan boru kəməri və ya “Botaş” enerji şirkəti ola biləcəyindən şübhələnir. Belə ki, terrorçu taksi ilə Ceyhana gedərkən yolda yaxalanıb. Taksi sürücüsü polisə ifadəsində aşağıdakıları söyləyib: “Əlində çantalarla maşına mindi. Bel çantasını qucağına alıb “məni Ceyhana apar” dedi. Ceyhanda konkret hara getməli olduğumuzu isə söyləmədi”. Polisdəki mənbə Ceyhanda terrorçuların hədəfi ola biləcək cəmi iki yer olduğunu bildirib: Bakı-Ceyhan boru xətti və “Botaş” şirkəti. Onun sözlərinə görə, Ceyhanda strateji önəmi olan başqa yer olmadığı üçün terrorçular böyük ehtimalla buralara hücum planlaşdırıblar: “Polislərin təqdirəlayiq fəaliyyəti nəticəsində canlı bomba yaxalanaraq böyük bir terror aksiyasının qarşısı alındı”. Qeyd edək ki, qadını Türkiyənin cənub-şərqindəki Urfa rayonundan Adanaya gətirən, onu partlayıcı maddələr və terror törətmək üçün müxtəlif ləvazimatlarla təchiz edən Adəm Barık adlı şəxs də Urfada yaxalanaraq Adanaya aparılıb. Qadın terrorçu-kamikadzenin çantasında tapılan A-4 partlayıcı maddəsindən mayın 22-də Ankarada törədilən və 6 nəfərin ölümü ilə nəticələnən terror aksiyasında da istifadə edilib. /APA/