Daxili siyasət

Ana səhifə

Daxili siyasət

“Ermənilik: mif və reallıqlar” mövzusunda elmi-praktik konfrans keçirilib

22 aprel 2008 10:13 (UTC +04:00)

Bakı. Ramil Məmmədli - APA. Azərbaycan Milli Elmlər Akademiyası (AMEA) İnsan Hüquqları İnstitutunun, AMEA Gənclərin İntellektual İnkişaf Mərkəzinin, Azərbaycan Gənclər Təşkilatlarının Milli Şurasının birgə təşəbbüsü ilə “Ermənilik: mif və reallıqlar” mövzusunda elmi-praktik konfrans keçirilib. APA-nın məlumatına görə, institutun direktoru Rövşən Mustafayev deyib ki, Azərbaycan erməniliyin yaratdığı təhlükəni dünyaya çatdıran və gündəmdə saxlayan ilk ölkələrdəndir: “Azərbaycandan başqa bu məsələdə Türkiyə də aktivlik nümayiş etdirir. Bundan başqa Gürcüstan və İsrail də son vaxtlar bu məsələyə diqqətlə yanaşmağa başlayıblar”. Milli Məclisin deputatı Fuad Muradov erməni lobbisinin təbliğatına qarşı aparılan mübarizədə azərbaycanlı gənclərin üzərinə daha çox yük düşdüyünü deyib. AMEA-nın Tarix İnstitutunun ermənişünaslıq şöbəsinin müdiri, Ermənistanın təhsil nazirinin keçmiş müavini İsrafil Məmmədov isə “Erməni soyqırımını məsələsinə yeni baxış” mövzusunda çıxış edib. O, ermənilərin saxta əfsanə əsasında millət kimi formalaşdığını deyib: “Bu mifologiyaya söykənən erməni liderləri özlərini qadir millət kimi təqdir etməyə başladılar. Həmin təbliğat maşını 1980-cı illərin əvvəllərində yenidən işə düşdü. Ermənistanın keçmiş prezidenti Robert Köçəryan da 1988-ci ildə Xankəndində etdiyi çıxışlarda bu üsulla ermənilərə vətənpərvərlik aşılayırdı”. İ. Məmmədov ermənilərin millət kimi mövcud olması üçün qondarma “erməni soyqırımı” məsələsində məharətlə istifadə etdiklərini də diqqətə çatıdırıb: “Dünyaya hakim olmaq üçün üç məsələ daim erməni alim və liderləri tərəfindən təbliğat forması kimi cəmiyyətə sırınıb. Bunlar erməni məsələsi, Böyük Ermənistan xülyası və qondarma “erməni soyqırımı”dır. Bu üç məsələ erməni millətini parçalanmaqdan saxlayır. Amma bu üç məsələnin hər biri yalan və tarixi saxtakarlıq əsasında formalaşdırılıb”. Tədbirdə çıxış edən digər şəxslər də erməniliyin dünya üçün təhlükə olduğunu və bundan da böyük güclərin daima istifadə etdiyini qeyd ediblər.