Ağcabədidə 58 yaşlı qadın ağır yanıq xəsarəti ilə xəstəxanaya çatdırılıb.
APA-nın Qarabağ bürosunun xəbərinə görə, hadisə rayonun Xocavənd qəsəbəsində baş verib. Yaxınlarının köməkliyi ilə Ağcabədi Mərkəzi Rayon Xəstəxanasına çatdırılan İbrahimova Zəhra Müzəffər qızına bədənin müxtəlif nahiyələrində 3-cü dərəcəli yanıq diaqnozu qoyulub.
Xəstəxanadan APA-ya bildirilib ki, Z. İbrahimovanın səhhəti ağır olduğundan paytaxtdakı xəstəxanalarından birinə göndərilib. Yaxınlarının sözlərinə görə, Z. İbrahimova qaz sobasını yandırarkən ehtiyatsızlıqdan özünü yandırıb.
Ağcabədi rayon Prokurorluğundan APA-ya hadisə ilə bağlı araşdırma aparıldığı bildirilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
