Bakı. Mübariz Aslanov - APA. Azərbaycanda ödəniş kartı ilə valyuta əməliyyatları aparan zaman icbari yığımın ödənilməməsinə görə ağır cəzanın tətbiq edilməsi təklif olunur.
Milli Məclisdən APA-ya verilən məlumata görə, bununla bağlı Azərbaycan prezidenti tərəfindən İnzibati Xətalar Məcəlləsinə yeni əlavələr layihəsi təqdim olunub.
Məcəlləyə 222.5-ci maddənin ("ödəniş kartı ilə qanunda nəzərdə tutulan hallarda aparılan valyuta əməliyyatları üzrə icbari yığımın ödənilməməsinə görə, fiziki və hüquqi şəxslər ödənilməmiş məbləğin 100%-i miqdarında cərimə edilir") əlavə edilməsi təklif olunur.
Layihə Milli Məclisin bu gün keçiriləcək növbədənkənar xüsusi iclasında müzakirəyə çıxarılacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
