Bakı. Mübariz Aslanov - APA. Azərbaycan Milli Məclisinin (MM) IV çağırışda son plenar iclasının gündəliyi dəyişdirilib və gündəliyə əlavə layihələr salınıb.
MM-dən APA-ya verilən məlumata görə, oktyabrın 20-də keçiriləcək iclasın gündəlyindəki məsələlərin sayı 25-dən 33-ə qaldırılıb. Gündəliyə 2016-cı il üzrə büdcə zərfinin təsdiqi ilə yanaşı, bir neçə ölkə ilə Azərbaycan dövlətinin imzaladığı sazişlər, “Məhkəmə-Hüquq Şurası haqqında”, “Məhkəmə və hakimlər haqqında”, “İnformasiya əldə etmək haqqında”, “KİV haqqında” və digər qanunlara dəyişikliklər salınıb.
Xatırladaq ki, son iclasın tarixində də dəyişiklik olunub, oktyabrın 23-də keçirilməsi nəzərdə tutulan iclas ayın 20-ə təyin edilib.
Qeyd edək ki, noyabrın 1-i Milli Məclisə V çağırış üzrə seçkilər keçiriləcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
