Digər xəbərlər

Digər xəbərlər

AŞPA Alt Komitəsinin üzvləri qurumun yay sessiyasından bir həftə əvvəl Dağlıq Qarabağa səfər edəcəklər

28 fevral 2007 10:33 (UTC +04:00)

AŞPA Katibliyindən APA-ya verilən məlumata görə, Dağlıq Qarabağ üzrə Alt Komitəsinin üzvləri ilə yanaşı komitənin rəhbəri lord Rassel Conston da regiona gələcək. Hazırda nümayəndə heyətinin tərkibi dəqiqləşdirilir. AŞPA-dan bildiriblər ki, Dağlıq Qarabağ Alt Komitəsi üzvlərinin münaqişə zonasına səfərinin bu qədər gecikməsi Ermənistanda keçirilən parlament seçkiləri ilə əlaqədardır. Alt Komitə regiona səfərin seçkilərdən sonra edilməsini daha məqsədəuyğun sayıb. Hələlik səfər proqramı münaqişə tərəfləri ilə dəqiqləşdirilməyib. Proqramın dəqiqləşdirilməsinə yaxın günlərdə başlanacaq. /APA/