Digər xəbərlər

Digər xəbərlər

Rusiyanın “Azad Səyahətlər Akademiyası” ictimai təşkilatının saytında Azərbaycanın Dağlıq Qarabağ bölgəsi müstəqil dövlət kimi göstərilib

14 may 2008 13:19 (UTC +04:00)

APA-nın məlumatına görə, saytın Dağlıq Qarabağa aid bölməsində qeyd olunur ki, “bu “dövlət” yerli ermənilərin özünümüdafiə hərəkatı nəticəsində Dağlıq Qarabağ Muxtar Vilayəti, Azərbaycan SSR-nin Şaumyan, Getaşen və Xanlar rayonlarının birləşməsi nəticəsində yaranıb”. Saytda həmçinin qeyd olunur ki, erməni separatçıları tərəfindən Laçın, Kəlbəcər, Qubadlı, Zəngilan rayonlarının, Cəbrayıl, Füzuli və Ağdam rayonlarının isə bir hissəsində yaradılmış “təhlükəsizlik zonaları” Azərbaycan ordusundan döyüş yolu ilə alınıb.
Azərbaycan Xarici İşlər Nazirliyinin mətbuat katibi Xəzər İbrahim APA-ya bildirib ki, nazirlik Azərbaycanın Rusiyadakı səfirliyinə bu məsələni araşdırmaq barədə tapşırıq verəcək. O bildirib ki, işğal altında olan Azərbaycan ərazisinin müstəqil dövlət kimi təqdim olunması yolverilməzdir və Azərbaycan həmin məlumatın saytdan çıxarılmasını tələb edəcək.