Digər xəbərlər

Ana səhifə

Digər xəbərlər

UNİTECH Özbəkistan-Böyük Britaniya birgə müəssisəsi öz saytında Dağlıq Qarabağı Ermənistan ərazisi kimi təqdim edib

20 may 2008 12:03 (UTC +04:00)

Bakı. Zaur Nurməmmədov - APA. UNITECH Özbəkistan-Böyük Britaniya birgə müəssisəsi öz saytında Azərbaycanın Dağlıq Qarabağ bölgəsini Ermənistan ərazisi kimi təqdim edib. APA-nın məlumatına görə, bu şirkət mobil telefon vasitəsilə Dağlıq Qarabağa zəng etməyə imkan verən “Platinium Mobile” Sim kartlarının satışı ilə məşğuldur. Xatırladaq ki, UNITECH birgə müəssisəsinin təsisçiləri Özbəkistan Xarici İqtisadi Əlaqələr, İnvestisiya və Ticarət Nazirliyi, “Ozbektelekom” SC, “Xalqaro Hamkorlik Markazi” SC və Böyük Britaniyanın “Carthill Investments Limited” şirkətidir. Bundan başqa Avropanın BMS sahibkar qrupuna daxil olan Rusiyanın “Texnologiya” MMC şirkəti də Dağlıq Qarabağa zəng vurmaq imkanı verən “SimTravel” sim-kartlarının satışı ilə məşğuldur. Bu şirkətin rəsmi saytında (http://www.simtravel.ru/mobile/tar) Azərbaycanın Dağlıq Qarabağ bölgəsi müstəqil dövlət kimi göstərilib. Bundan başqa öz saytlarında Dağlıq Qarabağı müstəqil dövlət kimi təqdim edən daha bir neçə telekommunikasiya şirkəti də aşkarlanıb. Bunlar Rusiyanın “ARKTEL” MMC (http://www.arctel.ru/ru/317), SMARTS (http://www2.astragsm.ru/roaming/internation.php) və ExtellSimâ„¢ (http://www.extell.ru/index.php?p=uslugi&sub=table) şirkətləridir. Ukraynanın da bir neçə mobil rabitə operatoru Dağlıq Qarabağı müstəqil dövlət kimi təqdim edib və separatçı qurumla qanunsuz rouminq sazişləri imzalayıb. Bunlar “MTS-Ukraina”, (http://mts1.wws.kiev.ua/rus/prepaid_roaming.php), “Golden Telekom” (http://gsm.goldentele.com/roaming/where.html), UMC (http://umc.ua/light/rus/roaming_partners_all.php?roaming_country=Nagorno%20Karabakh%20Region) Ð¸ Beeline (http://www.beeline.ua/news/press/article.wbp?articleid=9d466762-a18d-4033-b8d8-a42c1232dd86) şirkətləridir.