Bakı. Vahab Rzayev – APA-Economics. Azərbaycan Beynəlxalq Bankının (ABB) Rusiyada törəmə qurumu olan «ABB-Moskva» bankının 2013-cü il iyulun 1-nə aktivlərinin həcmi 30 857 mln. rubl (740,6 mln. manat) təşkil edib ki, bu da ötən ilin müvafiq dövrünə nisbətən 24% çoxdur. Azərbaycan Beynəlxalq Bankından «APA-Economics»ə verilən məlumata görə, bankın məcmu kapitalı 24% artaraq 2 622 mln. rubla (62,9 mln. manat) çatıb.
Bu ilin yanvar-iyun ayları ərzində bankı ümumi gəlirləri 23% artaraq 1 653,2 mln. rubla (36,7 mln. manat) çatıb. Eyni zamanda, bankın faiz gəlirləri 545,2 mln. rubl (13,1 mln. manat), qeyri-faiz gəlirləri 155,2 mln. rubl (3,7 mln. manat) təşkil edib.
Qeyd edək ki, bu ilin ilk yarısında «ABB-Moskva» tərəfindən 3 mlrd. rubl (72 mln. manat) həcmində istiqraz buraxılışı yerləşdirilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
