Bakı – APA. Suriyanın paytaxtı Dəməşqdə minaatanlardan açılan atəş nəticəsində 4 nəfər ölüb, 26 nəfər yaralanıb.
APA-nın “RİA Novosti” agentliyinə istinadən verdiyi məlumata görə, minalar Ömeyadlar məscidinin yaxınlığında partlayıb.
Xatırladaq ki, 2011-ci ilin martından başlayaraq Suriyada hökumət və müxalifət arasında silahlı münaqişə davam edir. BMT-nin məlumatına əsasən, bu müddət ərzində ölkədə 100 000 nəfər həlak olub.
Suriya hökuməti xaricdən dəstək alan və silahlandırılan yaraqlılarla üz-üzə qaldığını bəyan edir.