Kürdəmir. Elvin Yaqubov - APA. Bakı-Qazax yolunda iki nəfərin xəsarət alması ilə nəticələnən avtomobil qəzası baş verib.
APA-nın məlumatına görə, hadisə yolun 182-ci kilometrliyində, Kürdəmir rayonu ərazisində qeydə alınıb.
Göyçayın Ləkçiplaq kənd sakini, 1956-cı il təvəllüdlü Səmədov Yaqub Səftər oğlunun idarə etdiyi “VAZ-21015” markalı minik maşını yoldan çıxaraq aşıb. Hadisə nəticəsində sürücü Yaqub Səmədov və 1987-ci il təvəllüdlü qızı Aygün Səmədova müxtəlif dərəcəli bədən xəsarətləri ilə Kürdəmir Mərkəzi Rayon Xəstəxanasına yerləşdirilib.
Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
