Bakı. Fuad Cəfərov - APA. Bakı sakininin plastik kartından pul oğurlanıb. Bakı Şəhər Baş Polis İdarəsindən APA- ya verilən məlumata görə, martın 6-da Bakı şəhər sakini Əli Həsənov bankomatda hesabından pul çıxarmaq istəyərkən kartından 1500 manat çıxarıldığını aşkar edib.
Binəqədi Rayon Polis İdarəsinin 40-cı Polis Bölməsinin keçirdiyi əməliyyat tədbirləri nəticəsində, oğurluqda şübhəli bilinən Siyəzən rayon sakini Məmmədşah Dadaşov tutulub.