Bakı. Hafiz Heydərov – APA. Bakıda xeyli miqdarda narkotik dövriyyədən çıxarılıb.
Bakı şəhər Baş Polis İdarəsindən APA-ya verilən məlumata görə, Nizami Rayon Polis İdarəsinin 25-ci Polis Bölməsi əməkdaşlarının keçirdiyi əməliyyat tədbirləri nəticəsində, Bakı şəhər sakini Dilavər Hüseynovdan 9 qramdan artıq marixuana götürülüb.
Daha sonra ona marixuananı satan şəxs, Ə. Vəliyev küçəsində yaşayan, əvvəllər məhkum olunmuş Azər Əliyev tutulub və onun mənzilindən 17 kibrit qutusunda və 1 çantada 7 kiloqramdan artıq marixuana aşkar edilib.
Faktla bağlı cinayət işi başlanıb, araşdırma aparılır.