Bakı. Aynur Əliyeva - APA-Economics. Bu gün Bakıda Dənizkənarı Bulvarın yaxınlığında yerləşən Dəniz Vağzalının salonunda arıçılıq məhsullarının XIV respublika sərgi-satış yarmarkası keçirilir.
«APA-Economics»in xəbərinə görə, yarmarkaya 47 şəhər və rayondan 320 nəfər arıçı iştirak edir. Yarmarkada 500 ton bal, 40 kq çiçək tozu, 3 kq arı südü və 10 kq vərəmum satılması planlaşdırılır.
Qeyd edək ki, arıçılıq məhsullarının sərgi-satış yarmarkasında balın 1 kiloqramı 15 manata satılır. Yarmarkanın hər bir iştirakçısı Dəniz Vağzalının mühasibatlığına 167 manat məbləğində yer haqqı ödəyib.
Yarmarkada arıçılara minimum bilgilər veriləcək, burada təcrübə mübadiləsi aparılacaq, elmi-praktiki konfrans keçiriləcək.
Arıçılıq yarmarkası oktyabrın 5-dək davam edəcək.