Sosial

Ana səhifə

Sosial

Bakıda dəm qazından zəhərlənmələrlə bağlı təcili yardıma müraciətlərin sayı artıb

13 dekabr 2013 08:14 (UTC +04:00)

BŞTTTYS-ın Operativ işlər üzrə şöbəsinin baş həkimi Zemfira Vahidova APA-ya açıqlamasında bildirib ki, gün ərzində stansiyaya dəm qazından zəhərlənmə ilə bağlı 10-15 müraciət daxil olur. Ötən gün də bir sutka ərzində stansiyaya dəm qazından zəhərlənmə ilə bağlı 15 müraciət edilib. Onlardan 14 nəfər xəstəxanaya çatdırılıb, 1 nəfərə isə yerində ilkin tibbi yardım göstərilib. Müraciətlər əsasən Qaradağ, Nizami, Suraxanı, Binəqədi və Nərimanov rayonlarından daxil olub.

Z.Vahidova qeyd edib ki, ötən sutka ərzində paytaxtda 3 yol-nəqliyyat hadisə baş verib. Hadisə nəticəsində 2 nəfər xəstəxanaya çatdırılıb, 1 nəfər - 25 yaşlı gənc isə təcili yardım gələnə kimi dünyasını dəyişib. Ölüm faktı Hövsan ərazisində qeydə alınıb.

dəm qazı _ təcili yardım