Bakı. Cavid Zeynalov – APA. Noyabrın 22-də Muzey Mərkəzinin Sərgi Qalereyasında Ərdəbildən olan rəssam Vədud Müəzzinin fərdi yaradıcılıq sərgisinin açılışı olacaq.
Mədəniyyət və Turizm Nazirliyindən APA-ya verilən məlumata görə, sərgidə rəssamın rəngkarlıq, qrafika və fotolarda monumental heykəltəraşlıq sahəsində yaratdığı 120-dək əsər nümayiş etdiriləcək.
Nazirlikdən bildiriblər ki, rəssamın 1990-cı ildə Los-Ancelesdə, 1992-ci ildə Fransada, 1995-ci ildə Kanadada fərdi sərgiləri keçirilib. Tehran, Təbriz, Rəşd, Ənzəli və Ərdəbildə təşkil edilmiş çoxsaylı fərdi və birgə sərgilərin iştirakçısıdır: “Rəssamlıq və heykəltəraşlıqdan başqa Vədud Müəzzin eyni zamanda müğənni kimi də tanınır. O, “Sarı gəlin”, “Misri”, “Ana” və s. Azərbaycan xalq və aşıq mahnıları ilə yanaşı muğamlarımızı da ifa edib”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
