Bakı. Şamil Əlibəyli, Viktoriya Dementyeva – APA. 2013-cü ildə MDB ölkələri ilə ticarət dövriyyəsi 4 063 milyon ABŞ dolları təşkil edib və 2012-ci illə müqayisədə 111.8 faiz artıb. APA-nın məlumatına görə, bu barədə Azərbaycan hökumətinin 2013-cü il üzrə hesabatında bildirilir.
Hesabatda deyilir ki, Azərbaycanın Ukrayna ilə ticarət dövriyyəsində 38.3 faiz, Belarusla 28.1 faiz, Rusiya ilə 10.3 faiz səviyyəsində artım müşahidə olunub.
2013-cü ildə də Rusiya Azərbaycanın əsas iqtisadi tərəfdaşı olmaqda davam edib. Ötən ildə Azərbaycanın MDB ölkələri ilə ticarət dövriyyəsinin yarısından çoxu - 63.6 faizi Rusiyanın payına düşüb. Sənəddə bildirilir ki, Azərbaycandan Rusiyaya 1.37 milyard kubmetr təbii qaz ixrac edilib, həmçinin Bakı-Novorossiysk marşrutu ilə 1.75 milyon ton Azərbaycan nefti nəql olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
