Siyəzən. Vəli Turan – APA. Bu gün səhər saatlarında Siyəzən rayonunda yol-nəqliyyat hadisəsi qeydə alınıb. APA-nın şimal bürosunun verdiyi məlumata görə, hadisə Bakı-Quba-Rusiya Federasiyası dövlət sərhədi yolunun 95-ci kilometrlyində, magistralın Siyəzən rayonu ərazisindən keçən hissəsində qeydə alınıb. “DAF” və “Shagman” markalı yük maşınlarının toqquşması nəticəsində “Shagman”nın sürücüsü Abşeron rayonunun Saray qəsəbəsində yaşayan, 1984-cü il təvəllüdlü Hüseynov Urman Qərib oğlu müxtəlif bədən xəsarətləri alıb. O, Siyəzən Regional Diaqnostika Mərkəzinə yerləşdirilib, vəziyyətinin orta-ağır olduğu bildirilir.
Faktla bağlı Baş Dövlət Yol Polis İdarəsinin İstintaq və təhqiqat bölməsində araşdırmalar davam etdirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
