Bakı. Yeganə Laçınzadə - APA-Economics. 2015-ci il martın 1-nə “Rabitabank”ın ümumi aktivləri 325 mln. manat təşkil edib.
Bankdan “APA-Economics”ə verilən məlumata görə, ilin əvvəli ilə müqayisədə bu göstərici 6,7% artım deməkdir.
Bundan başqa, müştərilərə verilən kreditlər 3% artaraq 229 mln. manat, depozitlər 6,4% artaraq 225 mln. manat olub.
Ümumilikdə isə “Rabitabank”ın kapitalı 1,1% artaraq 59 mln. manat təşkil edib.