Xarici siyasət

Ana səhifə

Xarici siyasət

XİN: İranda Azərbaycan əleyhinə keçirilən aksiyalara adekvat cavab veriləcək

18 may 2012 16:54 (UTC +04:00)

APA-nın məlumatına görə, Xarici İşlər Nazirliyinin mətbuat xidmətinin rəhbəri Elman Abdullayev son günlər Təbrizdə Azərbaycanın konsulluğu qarşısında aksiyalar keçirilməsinə münasibətdə qeyd edib ki, Azərbaycan tərəfi belə ifadələri və təhqirləri qeyri-məqbul hesab edir: “Biz bunu cavabsız qoymayacağıq. Azərbaycan bunlara adekvat cavab verəcək. Azərbaycan müstəqil dövlətdir, onun daxili işlərinə müdaxilə yolverilməzdir”.

E. Abdullayev İranda həbs edilən, Azərbaycan vətəndaşı olan iki şair haqqında da hələlik heç bir məlumat olmadığını bildirib: “İran tərəfi həftənin sonuna qədər onların taleyi barədə xəbər verəcəyini bildirmişdi. Lakin hələ də bir xəbər yoxdu”.

Qeyd edək ki, Azərbaycanı vətəndaşları olan Şəhriyar del Gerani və Fərid Hüseyn mayın 2-də Təbrizdə mülki geyimli şəxslər tərəfindən həbs ediliblər. Gənc şairlər Təbrizə poeziya festivalında iştirak üçün səfər ediblər.

Azərbaycan_İran