Rusiya aviasiya qüvvələri Suriya ordusuna İŞİD terrorçularının müdafiəsini qırmaqda və Deyr-əz-Zor şəhərini azad etməkdə kömək edib.
Bu barədə Rusiya Müdafiə Nazirliyinin mətbuat xidmətindən APA-nın Moskva bürosuna daxil olan məlumatda deyilir. Bildirilir ki, Rusiya aviasiya qüvvələri “Kalibr” raketlərindən İŞİD-in dayaq nöqtələrinə, terrorçuların toplaşdığı ərazilərə və şəhərin girəcəyindəki hərbi texnikalara zərbə endirib: “Rusiya aviasiyasının zərbələrinin nəticələrindən istifadə edərək general Həsən Suhelin başçılığı ilə Suriya Hökumət qüvvələrinin bölmələri İŞİD-ın müdafiəsini qırıb, Deyr-əz Zor şəhərini azad edib. Terrorçular Suriya ordusunun həmləsinin qarşısını kamikadzelərlə və zirehli avtomobillərlə almağa çalışıb. Hökumət qüvvələri tərəfindən 50 avtomobil məhv edilib”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
