Ədəbiyyat

Ana səhifə

Ədəbiyyat

Rəsul Rza adına mükafatın sahibləri bəlli olub

18 may 2007 16:45 (UTC +04:00)

Qulu Ağsəsin APA-nın kitabxanası seriyasından işıq üzü görən rus dilində nəşr olunmuş “Toçki” (“Nöqtələr”) kitabı bu gün Rəsul Rza adına mükafata layiq görülüb. APA-nın məlumatına görə, bu gün xalq şairi Rəsul Rzanın adını daşıyan mükafatın təqdimat mərasimi keçirilib. Azərbaycan Yazıçılar Birliyində (AYB) keçirilən tədbiri giriş sözü ilə “Rəsul Rza adına Ədəbiyyat fondu” nun sədri, xalq şairi Fikrət Qoca açıb və o mükafatları sahiblərinə təqdim edib. Azərbaycan ədəbiyyatını Türkiyədə təbliğ etdiyinə görə Yasəmən Bayar, elmi axtarışlarına görə AMEA-nın müxbir üzvü Oqtay Əfəndiyev, Rəsul Rzaya həsr olunan silsilə məqalələrinə görə Hüseynbala Mirələmov, AYB-nin Gəncə şöbəsinin Məmməd Alim, “Köçürülmə ” romanına görə, yazıçı Məmməd Oruc, ədəbi tənqid sahəsindəki xidmətlərinə görə, tənqidçi Vaqif Yusifli mükafata layiq görülüblər. Kinoşünas Aydın Kazımov, “Ulduz” jurnalının baş redaktor müavini Qulu Ağsəsin “Toçki” (“Nöqtələr”) kitabı, şair-tərcüməçi İlqar Fəhmi də mükafatçılar sırasında olublar. Xalq yazıçısı Anar Rəsul Rzanın oğlu kimi çıxış edərək, atasının xatirəsini yad edənlərə ailələri adından təşəkkürünü bildirib. /APA/