Ədəbiyyat

Ana səhifə

Ədəbiyyat

Moldovada “Türk dünyasında qaqauz kültürü” adlı simpozium keçirilib

11 oktyabr 2007 16:19 (UTC +04:00)

XIV Uluslararası Kıbrıs, Balkanlar, Avrasiya Türk Ədəbiyyatları Kurumu (KİBATEK) çərçivəsində Moldovanın Kişinyov şəhərində 6-10 oktyabrda “Türk dünyasında qaqauz kültürü” adlı simpozium keçirilib. Bu barədə APA-ya simpoziumun iştirakçısı, Azərbaycan Milli Elmlər Akademiyasının (AMEA) Məhəmməd Füzuli adına Əlyazmalar İnstitutunun elmi işçisi Aidə Paşayeva məlumat verib. O bildirib ki, simpoziumda qaqauz kültürü və ədəbiyyatı, türk xalqlarının milli və müqayisəli ədəbiyyatı, dili mövzusunda məruzələr dinlənilib. KİBATEK və Moldova Milli Elmlər Akademiyasının təşkilatçılığı ilə keçirilən simpozium qaqauzların tarixini tanıtmaq, onların mədəniyyətini təbliğ etmək məqsədilə təşkil olunub. Digər türk dövlətləri ilə yanaşı simpoziumda Azərbaycan alimləri də iştirak edib. Əli Şamil, Elmira Məmmədova, Aida Paşayeva, Qalibə Hacıyevanın məruzələri həmkarları tərəfindən maraqla qarşılanıb. Simpoziumun sonunda çıxış edən KİBATEK rəhbəri İsmayıl Bozqurd türk yurdlarında nəzərdə tutulan beynəlxalq simpoziumlar barədə məlumat verib. O bildirib ki, belə böyük toplantıların birinin də yaxın illərdə Azərbaycanın Naxçıvan ərazisində keçirilməsi nəzərdə tutulub. /APA/