Ədəbiyyat

Ana səhifə

Ədəbiyyat

Naxçıvanda Hüseyn Cavidin 125 illik yubileyi qeyd olunur

24 oktyabr 2007 08:35 (UTC +04:00)

Naxçıvanda Hüseyn Cavidin 125 illik yubileyi qeyd olunur. Naxçıvan MR Mədəniyyət və Turizm Nazirliyindən APA-ya verilən məlumata görə, bu münasibətlə proqrama uyğun olaraq bir sıra tədbirlər artıq başa çatıb. Nazirlikdən bildiriblər ki, dünən yubiley tədbirləri çərçivəsində dramaturqun ev muzeyində “Cavid şeirlərinin ən yaxşı ifaçısı” mövzusunda şeir müsabiqəsi keçirilib, AMEA-nın Naxçıvan bölməsində konfrans təşkil olunub. Bu gün isə Hüseyn Cavidin ev muzeyində daha bir tədbir təşkil olunacaq, Naxçıvan şəhərindəki “Gənclik Mərkəzi”ndə yazıçı Anarın ssenarisi əsasında yeni çəkilmiş “Cavid ömrü” filmi nümayiş etdiriləcək. Günün sonunda isə C. Məmmədquluzadə adına Naxçıvan Dövlət Musiqili Dram Teatrında ədibin “Səyavuş” əsəri teatrsevərlərə təqdim olunacaq. Qeyd edək ki, bu tədbirlər Hüseyn Cavidin yubileyinin keçirilməsi haqqında ölkə prezidentinin 17 aprel 2007-ci il tarixli sərəncamına əsasən həyata keçirilir. Naxçıvan MR-in bölgələrində də belə tədbirlər təşkil olunacaq. /APA/